اصــــــــــــــابع البــــــــــــــــاذنجان

المقادير :

صحن لحم مفروم

2 حبة باذنجان مقطعه الى شرائح طوليه و مقليه

بصل مفروم

5 فصوص ثوم مهروسه

4 ملاعق طعام سمنه

مكعب ماجي

ملح و فلفل حسب الرغبه

ربع ملعقة صغيره كمون


الصلصه : طماطم مقطعه بشكل صغير او علبة وحده من الطماطم الجاهزه و المقشره

5 فصوص ثوم مهروسه

بصلة مفرومه

مكعب ماجي

ملح و فلفل حسب الرغبه

ملعقة كزبره مطحونه

4 ملاعق سمنه


الطريقه :

نحمي السمنه و نحط البصل و نخليه على نار هاديه لحد ما يذوب ثم نضيف اللحم المفروم

و عليه الكمون و الملح و الفلفل و الماجي و الثوم

نخلطهم جيدا .. و نتركهم على النار لحد مايستوي اللحم المفروم,,

نحضر شرائح الباذنجان و نحشيها بخلطة المفروم و نلفها بشكل اسطواني

و نضعها في صينيه تيفال بحيث تكون نهاية اللفه تحت على شان ماتنفك بعدين

و هكذا حتى انتها الكميه,,,


بالنسبه للصلصه : نحمي السمنه و نضع البصل المفروم على نار هادئه جدا لحد مايذبل

نضيف الطماطم و الماجي و الملح و الفلفل و الكزبره المطحونه

نخلطهم جيدا .. و نتركهم على النار لحد مايتسبكوا

نصبهم على شرائح الباذنجان..

و اخيرا ... ندخلها فرن حار ( 350 ف) مدة ساعة كامله...

تقدم مع الأرز الأبيض او الخبز,,,


و بالعاااافيه

بعد الدوارة و التمحيص و البحبشة .. و نتيجة لانو منبهتني ما بيصير استعين بالنت ..

لذلك امري لله رح احكيلكن كلشي كلشي .. بعرفو عن المطبخ ..ههههههههه

و رح اختصر هالشي .. بانو احكيلكن على مرة من المرات اللي قضيت فيها اسبوع لحالي بالبيت ..

ورح احكيلكن عن الاكلات

اول شي منبلش بالمقبلات .. ( لا تصدقوا كتير ) ..ههههههههههههههههههه


الجبنة المسخنة ..

طبعا هي الطريقة التقليدية ..

بتجيبو رغيف الخبز .. و بتفتحوه .. وفي ناس تنابل ما بيفتحوه ..هههههههههههههههههههه

(( شفتو شقدي طباخ ماهر ..)) ..

بعدين بتجيبو الجبنة .. و بتقطعو بالسكين .. اما اذا كان بدكن شوية سسبنس مع حر ولوص ..

بتجيبو البشارة .. بتبشرو الجبنة ..

المهم بتحطوها عالخبز .. بعدين بتجيبو زيت .. و بتحطو حسب الرغبة ..

(( طبعا الحلبي بيغرقها .. مشان شوي تصير فيها دسم .. كيف بدو يشبع .. ههههههه))

بعدين بيبلش البهارات .. بتحطو فليفلة حمرا .. و يا اما نعناع او في بعض الناس بيحطو كمون ..

(( جكر انت اخو مراقهن شي ..ههههههه )) .. وفي ناس بيشتغلو على مبدأ المكسب بيحطو التنين ..

هلق منجي للمرحلة الحرجة .. بتكونو انتو شاعلين النار .. تحت السخانة

بس اول شي بتحطو نقطة زيت ضغيرة عالسخانة .. لحتى الصندويشة ما تنحرق بسرعة ..

و بعدين بتحطوها عالنار .. و بعد فترة قليلة .. بتشيلوها .. بس يصير لونا زهري ..ههههههههههه

(( بشوف بكل برامج الطبخ بيقولو بس يصير لونا زهري .. بس بحياتي ما شفت زهري بالاكل ..

قلت بقلكن هيك بتحسوني فهمان ..ههههههههههههه ))

و بالهنا و الشفا ..

طبعا في ناس بيشربو معها شاي ..يا اما بتساووه بطريقة عادية او بطريقة التنابل متلي .. بالميكرويف ..ههههههه


الطبخة التانية ...

هي الجبنة المسخنة بس لما بتكون مزعوج من الجيران او مستعجل .. هههههههههه

هون منستخدم نفس خطوات صنع الصندويشة ..

بس الفرق بالتسخين . انو هالمرة بدون سخانة .. بتجيبو رغيف الخبز .. و بتحركوه فوق النار المشتعلة

و ما بتلاقو الا روايح الحرق عم تفوح بالبيت .. طبعا الطعمة بتتغير (( و بتصير عن جد اطيب ))

بس الجيران او اهل البيت بيكونوا كيفو عليك من الروايح ..هههههههههههههه


الطبخة التالتة العظيمة .. البطاطا المقلية ..

هون في حال كان الشخص متلي تنبل .. و بيعرف حالو ادامو فترة من التشرد ..

بتجيب كل البطاطا الموجودة بالبيت .. و بتقشرها ..

بعدين بتقطعا ..(( كيف ما بدك حر ولوص )) ..

و بتحطلا ملح و بتغرقا بالمي ..(( ما بعرف ليش .. بس هيك بشوف ماما ..ههههههههههههه ))

بعد ربع ساعة بترجع بتلاقي البطاطا غرقانة ..هههههههههههههههههههه

عفوا عفوا .. بتجي و بتكب المي ..

بتكون هون انت يا شاطر شاعل النار تحت المقلاية .. و لحتى تتأكد انو الزيت حمي ..

بتطب قطعة .. اذا لاقيتا عم تنازع و تفور .. معناها ماشي حالك .. اذا غرقت بدون مقاومة ..

بيكون لسا بدو ..

المهم .. بعد ما يحمى الزيت .. بتبلش بطب البطاطا .. بطريقة هادئة .. لحتى ما تتغسل بالزيت و تنحرق

بعد فترة من الزمن بس تصير البطاطا كمان زهرية .ههههههههههههه ..

لا هالمرة بس يصير لونا دهبي .. بتبلش بتطالعا .. و كمان بالهنا و الشفا ..



هلق وصلنا للوجبات الرئيسية ..

1 - همبرغر

2- شاورما بانواعها

3- مكيسكانو .. و بقية انواع الصندويش

4- ناغيت و سبايسي ..

هدول انا بعرف اساويهن .. بس انتو مارح تعرفو .. لذلك ما بدي اخلي تشعروا بالنقص ..

لذلك .. بساعدكن بطريقة كتير سهلة .. بتجيبو نمرة تلفون اقرب محل وجبات سريعة ..

و سبحان الله كل اللي بيشتغلو بهالمجال بيكونو حبابين .. انت بتطلب الاكل .. هنن لوحدن بيتبرعو

و بيساوولك ياه .. و لا تعذب حالك .. و لا تشعر بعقدة النقص ..

ههههههههههههههههه

و كل حكم و انتو بخير ..

(( دانو اكتر من هيك ما طلع ولا رح يطلع معي )) هههههههههههه